Buutte Gala Leudal - Programma - Buutte Gala Leudal 2019

Ga naar de inhoud

Hoofdmenu:

Waat eine line-up dit jaor!!! Mer leefst drie finalisten van ’t Groeët Limburgs Buuttekampioensjap kóme op 1 en 2 mieërt nao Heitse väor ’t Buutte Gala Leudal. De kans det de Limburgs kampioen nao Heitse kumtj is dus erg groeët. Tel dao de winnaar én de nummer twieë van aafgeloupe jaor van ’t kampioensjap bie op, en ’t zal uch dudelik zeen det ’t onmeugelik waas óm ein baeter programma same te stelle. En de presentatie…, tja waem angers den Ger Frenken. De kers oppe taart, baeter kinne we ‘t neet ómsjrieve. Hie ónger 't program van 2019.


Ton Klaessen
 
As väör emes ’t gezègkdje ‘mèt de paplaepel ingegaeve’ geldtj, den is ’t waal väör Ton.

Zoon van Hayke Klaessen dae in ’t verleje regelmatig oppe bühne te vinje waas en de lachers snel op zien handj haaj.

Ton is ein vanne drie finalisten van ’t Limburgs Buuttekampioensjap die in Heitse de zaal plat gaon spele.

Bjorn Smits
 
‘Baerke, de werme bekker’, in ’t dageliks laeve riesjoeëlhaojer, is op ’t moment van dit sjrieve, dé Limburgs Buuttekampioen.

Bjorn won in 2018 väör de ieërste kieër dit kampioensjap. Ins kieke of ziene ‘space-cake’ ouch ’t publiek in extase kin bringe.

Peter Vaessen
’N bekindj gezicht op ’t Buuttegala Leudal. Peter besteeg al dökker ’t podium vanne Bombardon.

Mer ómdèt Peter noeits vervaeltj is d’r eine welkome gast. Peter greep in 2018 net naeve de titel ‘Limburgs Buuttekampioen’.

Slechts ein puntj kwoom d’r te kort.

 

Henry van Geneijgen
Henry steit dit jaor väör de zesje kieër inne finale van ’t Limburgs Kampioensjap.
Twieëdje en derdje plaats veele ‘m ten deil, mer de titel ontbriktj nog op ziene palmares.

Steeds dun bie de titel. Missjien dit jaor?
 

John van Bilsen
Eigelik ein ‘broekie ónger de Buuttereedners’. John steit pas sinds inkele jaore inne buut, mer steit dit jaor waal al väör de derdje kieër inne finale van ’t Limburgs Buuttekampioensjap.

Zoeëiets numme ze ein ‘natuurtalent’.

Jan Pijnenborg
Ouch Jan is relatief nuj inne buuttereedners-waereldj. Deze pluimvee-boor oet IJsselstein oefentj ziene buut altied tiedes ’t eier-rape.

Det ’t den eine gekakel-van-jewelste is natuurlik gein verrassing. Mer ouch inne eine zaal vol minse wetj Jan de decibel-maeter wiet oet te laote slaan.



Pier en Stuf
Väör de muzikale omlijsting van ’t Buuttegala Leudal is de hulp van Pier en Stuf ingerope.

Dees kameraoj oet Boaksum zeen vanaaf ’t moment det ze ein duo vorme ein bekindj gezicht gewaore in ’t Limburgs vastelaoveslandjsjap.
Zie numme uch mèt op ein muzikale reis woeëbie zitte blieve gein optie is.
 
Copyright 2012-2017. All rights reserved.
Terug naar de inhoud | Terug naar het hoofdmenu